● تازہ ترین
Pakistan Minerals Investment Forum 2026: Civil-Military, Provincial Momentum and AJK’s Emerging Role in the National Mineral Economy پاکستان کی تاریخ کا ایک گیم چینجر منصوبہ، لاکھوں خاندانوں کے خوابوں کی تعبیر دنیا بھر میں 14 نومبر کو ذیابیطس کا عالمی دن منایا جاتا ہے ڈپٹی کمشنر شاہد عباس کاٹھیا کا ڈسٹرکٹ ھیڈ کوارٹر ہسپتال کا دورہ۔تفصیلات کے مطابق ڈپٹی کمشنر نے اچانک ہسپتال ایمر جنسی کا دورہ کیا ڈپٹی کمشنر شاہد عباس کا ٹھیا کی زیر صدارت ریونیو افسران کی کارکردگی کے سلسلہ میں جائزہ اجلاس اسسٹنٹ کمشنر میانوالی فیصل عمران نے تلہ گنگ روڈ پر تجاوزات کے خاتمے، نالوں کی صفائی اور سڑک کے اطراف موجود اسلام آباد ٹریفک پولیس کے خواتین کو بااختیار بنانے اور ٹریفک قوانین سے آگاہی کے اقدامات جاری، مفت سکوٹی ٹریننگ پروگرام کا آغاز ایس ایس پی آپریشنز قاضی علی رضا کا سٹی اور رورل زونز میں جرائم پیشہ عناصر کے خلاف ٹارگٹڈ کارروائیاں تیز کرنے کا حکم ڈی آئی جی اسلام آباد علی وسیم اور ایس ایس پی آپریشنز قاضی علی رضا کے مختلف مساجد، امام بارگاہوں اور فیصل مسجد کے دورے، جمعہ کی نماز کے سکیورٹی انتظامات کا جائزہ اسلام آباد کو ملک کا پہلا مکمل کیش لیس شہر بنانے کا فیصلہ

اے این ایف کا منشیات اسمگلروں کے خلاف ملک گیر کریک ڈاؤن، 18 ملزمان گرفتار

اے این ایف کا منشیات اسمگلروں کے خلاف ملک گیر کریک ڈاؤن، 18 ملزمان گرفتار

8 کارروائیوں میں ایک کروڑ 45 لاکھ روپے سے زائد مالیت کی 242.9 کلوگرام منشیات برآمد، خاتون سمیت ملزمان گرفتار

اسلام آباد(آصف ملک) اینٹی نارکوٹکس فورس (اے این ایف) نے ملک کے مختلف شہروں میں منشیات اسمگلنگ کے خلاف کریک ڈاؤن کرتے ہوئے 8 کارروائیوں کے دوران خاتون سمیت 18 ملزمان کو گرفتار کرلیا۔ کارروائیوں میں ایک کروڑ 45 لاکھ روپے سے زائد مالیت کی مجموعی طور پر 242.9 کلوگرام منشیات برآمد ہوئی۔

اے این ایف ترجمان کے مطابق لاہور ایئرپورٹ پر جدہ جانے والے مسافر کے بیگ سے 2 شیمپو کی بوتلوں میں چھپائی گئی 2.598 کلوگرام آئس برآمد کرکے ملزم اور ملزمہ کو گرفتار کرلیا گیا۔ ملتان ایئرپورٹ پر سعودی عرب جانے والے مسافر کے سامان میں کپڑوں میں جذب کی گئی 2.5 کلوگرام آئس برآمد ہوئی۔

ساہیانوالہ ٹول پلازہ فیصل آباد کے قریب کارروائی کے دوران ٹرک سے 60 کلوگرام چرس برآمد کرکے ایک ملزم کو گرفتار کیا گیا۔ موٹروے ٹول پلازہ اسلام آباد کے قریب 2 گاڑیوں سے مجموعی طور پر 60 کلوگرام چرس برآمد کرکے 7 ملزمان کو گرفتار کرلیا گیا۔

ایکسپریس وے اسلام آباد کے قریب گاڑی سے 45.6 کلوگرام چرس برآمد کرکے 2 ملزمان کو گرفتار کیا گیا، جبکہ سہراب گوٹھ کراچی کے قریب کارروائی میں ایک ملزم کے قبضے سے 5 کلوگرام چرس برآمد ہوئی۔

جی ٹی روڈ راولپنڈی پر مل کے قریب 2 گاڑیوں کی تلاشی کے دوران مجموعی طور پر 4.8 کلوگرام چرس برآمد کرکے 4 ملزمان کو گرفتار کیا گیا۔ جناح روڈ کراچی پر ایک وئیر ہاؤس میں کارروائی کے دوران 62.4 کلوگرام وزنی 2 لاکھ 8 ہزار لیکسوٹن گولیاں بھی برآمد کرلی گئیں۔

اے این ایف کے مطابق تمام کارروائیوں میں گرفتار ملزمان کے خلاف انسداد منشیات ایکٹ 1997 کے تحت مقدمات درج کرکے مزید تحقیقات کا آغاز کردیا گیا ہے۔