مری (راجہ عثمان علی)وزیرِ اعلیٰ پنجاب مریم نواز شریف کے ویژن کے مطابق صوبے کو ناجائز اسلحہ سے پاک کرنے کے عزم کے تحت، ڈی پی او مری رضا تنویر سپرا کی خصوصی ہدایات پر ناجائز اسلحہ رکھنے اور اس کی نمائش کرنے والوں کے خلاف کریک ڈاؤن جاری ہے۔اسی سلسلے میں ایس ایچ او تھانہ پتریاٹہ کی زیرِ نگرانی پولیس ٹیم نے بروقت کارروائی کرتے ہوئے ایک ملزم کو حراست میں لے لیا۔ پولیس کے مطابق گرفتار ملزم کی شناخت انجم ضیا ستی سکنہ سوراسی، تحصیل و ضلع مری کے طور پر ہوئی ہے، جس کے قبضے سے 30 بور پسٹل اور 5 زندہ روند برآمد کیے گئے۔
پولیس نے ملزم کے خلاف تھانہ پتریاٹہ میں ناجائز اسلحہ رکھنے کا مقدمہ نمبر 193/26 درج کر کے مزید قانونی کارروائی اور تفتیش کا آغاز کر دیا ہے۔محکمہ پولیس کا کہنا ہے کہ وزیرِ اعلیٰ پنجاب کے ویژن کے مطابق عوام کے جان و مال کے تحفظ کو یقینی بنانے اور قانون شکنی کرنے والوں کے خلاف بلا امتیاز کارروائیاں پوری سختی سے جاری رہیں گی۔