اسلام آباد(سٹاف رپورٹر) پاکستان کے ٹیکنالوجی اور سیاحت کے شعبے میں ایک اہم پیش رفت کے طور پر گو پی کے زیڈ (GOPKZ) نے اسلام آباد کے میریٹ ہوٹل میں منعقدہ ایک پروقار تقریب کے دوران پاکستان کی پہلی اے آئی پاورڈ آن لائن ٹریول ایجنسی اور ڈیجیٹل ٹورازم ایکو سسٹم کا باقاعدہ افتتاح کر دیا۔

تقریب کو پاکستان ٹورازم ڈویلپمنٹ کارپوریشن (PTDC) کی معاونت حاصل تھی، جبکہ ملک بھر سے اہم سفارتی، حکومتی، سیاحتی اور کاروباری شخصیات نے شرکت کی۔ تقریب میں مختلف ممالک کے سفیر، صوبائی محکمہ ہائے سیاحت کے نمائندگان اور معروف کاروباری شخصیات شریک ہوئیں۔ ممتاز کاروباری شخصیت سردار یاسر الیاس سمیت مختلف شعبوں سے تعلق رکھنے والے کارپوریٹ رہنماؤں نے بھی گو پی کے زیڈ کے اقدام کو سراہا۔

تقریب کی براہِ راست کوریج ڈسکور پاکستان اور ہم نیوز سمیت اہم میڈیا نیٹ ورکس نے کی۔

گو پی کے زیڈ کے گروپ ایگزیکٹو وائس پریذیڈنٹ محمد شہروز حبیب نے اس منصوبے کی قیادت کرتے ہوئے پاکستان کے سیاحتی شعبے کو جدید ڈیجیٹل ٹیکنالوجی سے منسلک کرنے کا وژن پیش کیا۔ ان کی قیادت میں گو پی کے زیڈ نے جدید پرامپٹ بیسڈ اے آئی اٹینری پلانر متعارف کرایا ہے، جس کے ذریعے صارف صرف ایک ٹیکسٹ پرامپٹ کے ذریعے اپنی ضروریات کے مطابق مکمل سفری منصوبہ فوری طور پر تیار کر سکتا ہے۔

گو پی کے زیڈ نے اپنے ڈیجیٹل پلیٹ فارم کے ساتھ باضابطہ ڈیجیٹل میسکوٹ "نگہبان” بھی متعارف کرایا ہے، جبکہ یومِ آزادی کے موقع پر "PAKISTANZINDABAD” کے نام سے خصوصی پروموشنل مہم بھی شروع کی گئی ہے۔ اس مہم کے تحت یومِ آزادی کے ویک اینڈ پر بکنگز کے لیے 14 فیصد خصوصی رعایت کا اعلان کیا گیا ہے۔

محمد شہروز حبیب نے کہا کہ گو پی کے زیڈ کا مقصد محض ایک ڈیجیٹل ٹریول ویب سائٹ متعارف کرانا نہیں بلکہ ایسا قومی ایکو سسٹم تشکیل دینا ہے جو ٹیکنالوجی کے ماہرین، مقامی کاروباری اداروں، عالمی سرمایہ کاروں، فری لانسرز اور نوجوانوں کو ایک پلیٹ فارم پر منسلک کرے۔

انہوں نے کہا کہ گو پی کے زیڈ کے ذریعے پاکستان کے سیاحتی شعبے کو عالمی سطح کی ڈیجیٹل سہولیات فراہم کرنے کے ساتھ ساتھ مقامی کاروبار، ٹیکنالوجی اور نوجوانوں کے لیے نئے مواقع پیدا کیے جائیں گے۔

گو پی کے زیڈ کی جانب سے "GOPKZ Industry Connect” کے نام سے ایک وسیع تر صنعتی رابطہ کاری کا منصوبہ بھی شروع کیا گیا ہے، جس کے تحت اسلام آباد چیمبر آف کامرس اینڈ انڈسٹری (ICCI)، پاکستان سافٹ ویئر ایکسپورٹ بورڈ (PSEB)، COTHM اور پاکستان ینگ آئی ٹی انٹرپرینیورز ایسوسی ایشن (PYITEA) سمیت مختلف اداروں کے ساتھ تعاون کو فروغ دیا جا رہا ہے۔

اس اقدام کا مقصد مقامی کاروباری اداروں، ڈویلپرز، فری لانسرز اور نوجوان آئی ٹی پروفیشنلز کو عالمی مواقع سے منسلک کرنا اور پاکستان کے ڈیجیٹل ایکو سسٹم کو مزید مضبوط بنانا ہے۔

محمد شہروز حبیب کو علی بابا گروپ کے دراز میں بڑے قومی ریٹیل اور مارکیٹنگ منصوبوں کی قیادت کا وسیع تجربہ حاصل ہے۔ وہ Lean Six Sigma Master Black Belt اور Project Management Professional (PMP) بھی ہیں۔ ان کے کارپوریٹ تجربے، تکنیکی مہارت اور مختلف کاروباری و صنعتی حلقوں سے روابط کو گو پی کے زیڈ کے مستقبل کے منصوبوں کے لیے اہم قرار دیا جا رہا ہے۔

گو پی کے زیڈ کے مطابق جدید مصنوعی ذہانت، ڈیجیٹل ٹیکنالوجی، سیاحت، کاروباری رابطہ کاری اور نوجوانوں کے لیے مواقع کے امتزاج کے ذریعے پاکستان کو عالمی ڈیجیٹل ٹورازم مارکیٹ میں ایک مضبوط مقام دلانے کی کوشش کی جا رہی ہے۔

گو پی کے زیڈ کے بارے میں

گو پی کے زیڈ پاکستان کا ایک اے آئی پاورڈ ڈیجیٹل ٹورازم اور ہاسپیٹیلٹی ایکو سسٹم ہے، جو مصنوعی ذہانت، سفری سہولیات، کاروباری رابطہ کاری اور ڈیجیٹل ٹیکنالوجی کو یکجا کرتے ہوئے عالمی سیاحوں کو پاکستان کے سیاحتی مقامات، ثقافت اور ورثے سے منسلک کرنے کے لیے کام کر رہا ہے۔